Unge Sprogpiloter i Norden

“Unge sprogpiloter i Norden” er eitt samstarv ímillum skúlar í Danmark (samskipari), Noregi, Svøríki, Finnlandi og Føroyum.

Felags fyri skúlarnar er, at teir liggja uttan fyri høvuðsstaðarøkið.

Endamálið við verkætlanini er at fáa innlit í mál og mentan í grannalondunum og verður í hesum sambandi vitjað í øllum 5 londunum.

Á hvørjari vitjan umboða 6 næmingar og 2-3 lærarar hvørt landi. Næmingarnir búgva hjá vertfamiljum.
Eftir vitjanina hava luttakararnir ábyrgdina av at leggja fram á egnum skúla og greiða frá upplivingunum á ferðini.

 

Skráin er fylgjandi:

• Okt. 2023: Skúlin við Streymin var vertur
• Apríl 2024: vit vóru í Nurmes, Finnlandi
• Sep. 2024: vitjað verður í Askøy, Noregi
• Mars/apríl 2025: leiðin gongur til Gøteborg, Svøríki
• Á heysti í 2025: endað verður í Vejle, Danmark

 

Fakliga innihaldið:

Støðið verður tikið í heimsmálunum hjá ST.

• Í Føroyum: Grøn orka
• Í Finnlandi: Javnrættindi
• Í Noregi: Sálarlig heilsa

 

Evnið í Svøríki er ikki endaliga avgjørt, men verður møguliga fólkaræði.

Úrslitini av øllum hesum verða síðan savnað í Vejle.

Á hvørjari vitjan er ein Atlantbib bók gjørd, um tað evnið, ið hevur verið viðgjørt.
Hetta er ein talgild bók, sum verður skrivað og lisin inn á øllum málum.