BUSSKOYRING
Busskoyring

Virðiskort til næmingar í eNámi

Góðu foreldur og næmingar í eNámi í Sunda kommunu.

Mánadagin tann 3. september 2018 byrjar eNám og í hesum sambandi fara nógv tykkara at hava breytir á Strondum, Fuglafirði og Tórshavn. Av hesi orsøk fáa tit eitt virðiskort, sum ger, at tit kunnu ferðast til og frá heimi til breytirnar við hesum virðiskorti. Virði er fylt á kortið og tit hava fingið boð um at fylt við, soleiðis at vit í góðari tíð kunnu fylla á kortið, um tað fer at mangla. Tit kunnu skifta breytir fram til heystfrítíðina og tískil er ein ávís upphædd sett á kortið og eftir heystfrítíðina verður hugt, um hetta verður nógmikið til alt skúlaárið.

Av tí at stórt virði er á kortinum, sum næmingarnir fáa, verða teir tí bidnir um at ansa sera væl eftir tí. Um so er, at næmingurin missir kortið burtur, mugu tey/tit boða skúlanum frá beinanvegin antin á svs@svs.fo ella við at ringja 789393.

Tað er ábyrgdin hjá næminginum, at virðið á kortinum ikki verður brúkt til annað enn at ferðast til og frá breytunum. Um so er, at tað verður gjørt, mugu foreldrini fylla virðið á ella rinda fyri tað, sum næmingurin hevur brúkt kortið til at ferðast til onnur støð, enn tá tey hava breytir.

Seinni í ár skal 10. flokkur í starvsvenjing, og tá brúka tey eisini virðiskortið.

Næmingarnir úr Eiðis kommunu nýta skúlakortið bæði til breytir og starvsvenjing.

Vinarliga vegna Skúlan við Streymin

Sonni Óli Djurhuus, skúlastjóri