LAND- & SJÓBREYT
Land- & Sjóbreyt

Skúlaárið 2017/2018

* Boðklivin * Vikuætlan * Loggbókin * Myndasavn

 Tú skal velja Land- & Sjóbreytina, um tú hevur hug at vera í toymi

·       at fletta og hagreiða neyt og seyð

·       at seta niður/taka upp epli

·       at fiska á opnum havi við havtráðu

·       at greipa og ræsa fisk

·       at læra at spleysa, knýta nylonknútar og at gera blóðmørsindur og mangt annað, ið hevur við landbúnað og sjóvinnu at gera.

Skúlaárið á breytini byrjar við, at tú tekur trygdarskeið (Sjónám, Klaksvík og í skúlanum við Streymin, Oyrarbakka), ið er krav at mynstra og fáa part við skipi.
Tú loypir m.a. á bláman í yvirlivilsidrakt, lærir at sløkkja eldsbrunar og fær gott innlit í fyrstuhjálp, og eisini nemur tú teori á 5 lektiónir á 5 tímar í nov. - jan. -  sambært kunngerð nr. 73 frá 28. juni 2016 fyri at kunna mynstra við føroyskum fiskiskipum, skal alt trygdarskeiðið standast, fyri at fáa prógvið.

 Vit eru við sluppini "Norðlýsið" vestanfyri og skúlaskipinum “Dragin” norðanfyri nakrar túrar. Heit klæði, styvlar og ein stóran matpakka at hava við, er ein sjálvfylgja !  Kunna verður um túrarnar í boðklivanum hjá breytini og í vikuætlanini.

Vit eru í fjósinum hjá Jan á Eiði, har ein kúgv verður dripin og flett og kjøtið skorið/mælt til sámuligar partar, klárt at selja. Eisini verða onkur seyður flettur.

Stór eplavelta, har tit seta niður/taka upp og selja. Avlopið av pengum, tá ið útreiðslur eru goldnar, verður býtt millum næmingarnar á breytini, at brúka sum lummapening á námsferðini.

Vh

Jens Pauli og Jan

 Skúlastaður: Skúlin við Streymin, mánadag 08-13.30 (ella til vit eru liðug :)

Lærarar

Jan Thomsen

tel. 272 340

T-post::  jan.thomsen@skulin.fo

Jens Pauli G. Nolsøe

tel. 223 260

T-post: jens.pauli.g.nolsoe@skulin.fo