BOÐKLIVIN
Boðklivin

Próvhandan 2020


(í samráð við Koronaráðið)

 
kl. 16:00 fríggjadagin 19. juni 2020, verður Próvhandan fyri 10. fl. og næm. í 9. fl. (ið ikki fara í 10. fl.) og kunnu 2 (tvey) avarandi luttaka á hátíðarløtuni pr. næming skipast í tráð við almennu tilmælini..

Finnur Justinussen tekur myndir

vh

Sonni Djurhuus, skúlastjóri

tel. 212 084

Broyting í bussætlan frá 25. mai 2020

Frá mánadegnum 25. mai 2020 verður ein lítil broyting í bussætlanini. Ein túrur verður lagdur afturat, soleiðis at koyrt verður týsdagar kl. 12.40 eisini. Eisini verður koyrt úr Hvalvík, Hósvík og úr Tjørnuvík kl. 7.40 um morgunin.

Umframt hetta verður møguligt hjá teimum næmingum, búgva á Oyri, á Oyrarbakka og við Norðskála, at verða koyrd heim við bussinum, um tørvur er á tí.

Á heimasíðu skúlans undir kunning og við at velja bussætlan, sæst hvussu bussurin koyrir til og frá skúla.

Góðu foreldur/verjar & næmingar í 10. flokki. 

Sum tykkum kunnugt, er undirvísingin hjá næmingunum á netinum og skulu næmingarnir fylgja skemanum, sum liggur á svs.fo. Myndugleikarnir hava lagt út við, at soleiðis kemur tað at vera fram til summarferiuna. Um smittutølini framhaldandi eru eins góð og nú, og skúlabyrjanin ikki gevur nøkur negativ útsløg, er ikki óhugsandi, at elstu flokkarnir koma í skúla tær síðstu vikurnar. Tískil skulu vit bíða eini 2 vikur afturat, til endalig boð koma.
Um ikki, so eru tað nakrir næmingar, sum tekniskt sæð longu hava fingið summarferiu.

 

Online uppmøtingin hjá næmingunum er ójøvn. Hóast ov stórt fráfall í summum fakum/tímum, hevur leiðslan ikki fingið nøkur boð um, at næmingar eru givnir.

Til teir næmingar, sum onga rutinu hava at koma upp til, og teir, ið ikki eru motiveraðir til at fylgja við fjarðundirvísingini, kann tað tískil, sum støðan er nú, vera skilagott at finna sær eitt arbeiði og umhugsa at gevast. Um onkur næmingur hevur verri karakterir enn í 9. flokki, er spurningurin eisini, hvørt man hongur í til skúlaendan, ella finnur sær eitt arbeiði. Um so er, eru tit biðin at boða leiðslu skúlans frá.

Men sum sagt, endalig boð koma um eini 2 vikur, um hvussu síðstu 4-5 vikurnar verða.

 

Viðvíkjandi afturgjaldingini av námsferðini á 5000 kr, fáa tit hetta á bók, so skjótt eg havi fingið upphæddina frá Sólorku. Eg svari mailum tykkara, tá flytingin er gjørd.

Vegna flokslærarnar í 10. flokki,

 

 

Vinaliga Marjun I. Stauss, tlf. 25 70 69

Námsferðin
 
Takk fyri at tit hava víst álit til okkara. Vónandi síggjast vit eina aðru ferð.
Av tí at tað ikki ber til at hava ætlaðu námsferðina frá 30. apríl, fáa tit allan peningin aftur frá okkum.

 

Til foreldrini: Sendið tykkara konto-nr til Marjun Stauss (marjun.stauss@skulin.fo), so hon fær flutt tykkum peningin aftur
 
 

Heilsan,


Unn Hilduberg
Tænastuleiðari / Head of Service / Director de Servicios

unn@solorka.com
Telefon FO: +298 221090 
Telefon ES: +34 606680712
www.solorka.com - facebook.com/solorka   

Kunning í sambandi við skúlagongdina

 

Góðu foreldur og næmingar

Støðan í samfelagnum er ógreið og broytast tingini frá degi til dags.

Í sambandi við at skúlagongdin byrjar aftur mánadagin 20.04.20 í mið- og hádeildini, fara vit at kunna tykkum um, hvussu vit gera fram til summarfrítíðina.

Tímatalvurnar eru broyttar munandi og koma næmingarnir at fáa undirvísing 18 - 20 tímar um vikuna. Handaligu og rørsluligu fakini eru dottin burtur og er undirvísing í bókfakligu fakunum á skrá.

Flokstoymini hava hesa vikuna arbeitt við skipanum, sum tit koma at arbeiða eftir mánadagin og koma lærararnir at seta seg í samband við tykkum um, hvussu gjørt verður framyvir. Tað er neyðugt at hava teldu, tí undirvísingin kemur í stóran mun, at fyriganga gjøgnum digitalu miðlarnar og fáa næmingarnir kunning frá lærarunum um, hvussu gerast skal. Í hesum føri vera sikkurt byrjunar avbjóðingar og krevst tol frá øllum pørtum í byrjanini til alt kemur at virka.

Um so er, at næmingar mangla teldu, kunnu tit í ávísum føri læna teldu frá skúlanum, tó hava vit bert 70 teldur og kunnu heim ikki læna fleiri teldur. Um tørvurin er til at læna teldu, skulu tit seta tykkum í samband við KT vørðarnar Høgna Lútzen á tlfnr. 281802 og Anni Joensen á tlfnr. 509500.

Tímatalvurnar verða lagdar út í vikuskfitinum og koma næmingarnir til onnur boð koma, at fylgja nýggju tímatalvunum. Skúlagongdin kemur at vera frá kl.8.00.-12.00. Tað kann í ávísum førum vera avbjóðingar í mun til fakligu undirvísingina og um so verður, gera lærararnir avtalu við næmingarnar um so verður.

Til undirvísingina verður møtiskylda og koma lærararnir at skráseta uppmøtingina og tí er týdningarmikið, at tit foreldur, hóast í mongum føri truplu umstøðurnar, halda tykkara barni til, so tað fær tað undirvísing neyðugt er. Vit hava tó forstáilsi fyri, at tað kann vera trupult til tíðir vegna arbeiði o.a. Um so er, er týdningarmikið, at tit kunna flokslærararnar um hetta, so vit vita hví, um næmingur ikki kann vera til undirvísingina.

Vit vóna at enda, at vit komandi tíðina finna fram saman til ein leist, sum riggar fyri allar partar. Støðan er nýggj fyri okkum øll og læra vit hvønn dag, hvussu vit kunnu betra um umstøðurnar. Komandi vika verður eftir tí tímatalvu, sum verður útflýggjað og møguligar tillagingar koma væntandi í viku 18.

Um spurningar eru til undirvísingina seta tit tykkum í samband við lærararnar í fakunum. Eru tað aðrir spurningar venda tit tykkum til skúlastjóran á tlfnr. 212084. Hava tit spurningar til Corona ringja tit til heilsufrøðingin Klaru í Túni Jacobsen á tlnr. 562 378.

Vinarliga

Sonni Djurhuus, skúlastjóri