BOÐKLIVIN
Boðklivin

Broyting í bussætlan frá 25. mai 2020

Frá mánadegnum 25. mai 2020 verður ein lítil broyting í bussætlanini. Ein túrur verður lagdur afturat, soleiðis at koyrt verður týsdagar kl. 12.40 eisini. Eisini verður koyrt úr Hvalvík, Hósvík og úr Tjørnuvík kl. 7.40 um morgunin.

Umframt hetta verður møguligt hjá teimum næmingum, búgva á Oyri, á Oyrarbakka og við Norðskála, at verða koyrd heim við bussinum, um tørvur er á tí.

Á heimasíðu skúlans undir kunning og við at velja bussætlan, sæst hvussu bussurin koyrir til og frá skúla.

Nú fara øll aftur í skúla                  15.05.20

Mánadagin 18. mai fara allir flokkar aftur í skúla.
Á tiðindafundi hósdagin boðaði løgmaður frá, at støðan viðvíkjandi korona er so mikið batnað, at allir næmingar í fólkaskúlanum kunnu koma aftur í skúla. Og tað gleða vit okkum til.

Skúlagongdin
Skúlagongdin verður skipað eftir vanligu tímatalvuni. Tó eru onkrar smávegis broytingar hjá 4. – 6.flokki.  

Skúlabussur

Skúlabussurin koyrir úr Hósvík kl. 7.30, úr Hvalvík kl. 7.30, úr Tjørnuvík kl. 7.30 og av Eiði kl. 7.30. Somu næmingar fara heim við sama bussi, sum tey koma í skúla við. Heitt verður á foreldur, sum eiga næmingar, sum búgva við Norðskála, á Oyrarbakka og á Oyri um at lata næmingarnar ganga/súkkla til og frá skúla, ella at foreldrini koyra næmingarnar til og frá skúla. Heitt verður á forledur um ikki at koma inn í skúlan við næmingunum. Tey, sum hava avbjóðingar av hesi avgerð, verða vinarliga biðin um at seta seg í samband við skúlastjóran Sonna Óla Djurhuus, 212084.

Tá ið komið verður í skúla
Tá ið komið verður í skúla, hava vit gjørt tað soleiðis at vit hava býtt næmingarnar upp. 1. – 3.flokkur hevur sína inngongd, 4. – 6.flokkur sína inngongd og 7. – 10.flokkur sína inngongd.

Útiskúli
Av tí at tað framvegis verður mælt til í so stóran mun, sum gjørligt, at hava undirvísing uttandura, verður heitt á foreldur at hava í huga, at næmingarnir eru ílatnir eftir veðrinum.

Pennahús
Fyri at minka um vandan við smittuspjaðing skulu næmingarnir ikki læna skúlaamboð frá hvørjum øðrum. Hvør næmingur skal hava sín egna pennahúsa við og í honum skal vera í minsta lagi: blýantur, viskileður, spískari, límstift, saksur, litblýantar/tusjir, linjuál og vinkulmátari.

Matpakki

Næmingarnir skulu hava matpakka og drekkidunk við.

Teldur

Teir næmingar, sum hava lánt teldu frá skúlanun, skulu hava telduna og løðaran við í skúla mánadagin. Hon skal latast inn til Høgna 281802 ella Anni 509500.

Smittuverjandi atburður og fyribyrging
Skúlagongdin fylgir tilráðingunum um smittuverjandi atburð og fyribyrging.

Vinarliga leiðslan

Kunning í sambandi við skúlagongdina

 

Góðu foreldur og næmingar

Støðan í samfelagnum er ógreið og broytast tingini frá degi til dags.

Í sambandi við at skúlagongdin byrjar aftur mánadagin 20.04.20 í mið- og hádeildini, fara vit at kunna tykkum um, hvussu vit gera fram til summarfrítíðina.

Tímatalvurnar eru broyttar munandi og koma næmingarnir at fáa undirvísing 18 - 20 tímar um vikuna. Handaligu og rørsluligu fakini eru dottin burtur og er undirvísing í bókfakligu fakunum á skrá.

Flokstoymini hava hesa vikuna arbeitt við skipanum, sum tit koma at arbeiða eftir mánadagin og koma lærararnir at seta seg í samband við tykkum um, hvussu gjørt verður framyvir. Tað er neyðugt at hava teldu, tí undirvísingin kemur í stóran mun, at fyriganga gjøgnum digitalu miðlarnar og fáa næmingarnir kunning frá lærarunum um, hvussu gerast skal. Í hesum føri vera sikkurt byrjunar avbjóðingar og krevst tol frá øllum pørtum í byrjanini til alt kemur at virka.

Um so er, at næmingar mangla teldu, kunnu tit í ávísum føri læna teldu frá skúlanum, tó hava vit bert 70 teldur og kunnu heim ikki læna fleiri teldur. Um tørvurin er til at læna teldu, skulu tit seta tykkum í samband við KT vørðarnar Høgna Lútzen á tlfnr. 281802 og Anni Joensen á tlfnr. 509500.

Tímatalvurnar verða lagdar út í vikuskfitinum og koma næmingarnir til onnur boð koma, at fylgja nýggju tímatalvunum. Skúlagongdin kemur at vera frá kl.8.00.-12.00. Tað kann í ávísum førum vera avbjóðingar í mun til fakligu undirvísingina og um so verður, gera lærararnir avtalu við næmingarnar um so verður.

Til undirvísingina verður møtiskylda og koma lærararnir at skráseta uppmøtingina og tí er týdningarmikið, at tit foreldur, hóast í mongum føri truplu umstøðurnar, halda tykkara barni til, so tað fær tað undirvísing neyðugt er. Vit hava tó forstáilsi fyri, at tað kann vera trupult til tíðir vegna arbeiði o.a. Um so er, er týdningarmikið, at tit kunna flokslærararnar um hetta, so vit vita hví, um næmingur ikki kann vera til undirvísingina.

Vit vóna at enda, at vit komandi tíðina finna fram saman til ein leist, sum riggar fyri allar partar. Støðan er nýggj fyri okkum øll og læra vit hvønn dag, hvussu vit kunnu betra um umstøðurnar. Komandi vika verður eftir tí tímatalvu, sum verður útflýggjað og møguligar tillagingar koma væntandi í viku 18.

Um spurningar eru til undirvísingina seta tit tykkum í samband við lærararnar í fakunum. Eru tað aðrir spurningar venda tit tykkum til skúlastjóran á tlfnr. 212084. Hava tit spurningar til Corona ringja tit til heilsufrøðingin Klaru í Túni Jacobsen á tlnr. 562 378.

Vinarliga

Sonni Djurhuus, skúlastjóri

Góðu næmingar, foreldur og avarandi.

MMR boðar í skrivi frá, at páskafrítíðin er longd fram til sunnudagin 19.apríl. 
20.apríl verður skúlagondin varliga tikin upp aftur, við at 1.-3.fl møtir í skúla. 
Mikudagin kemur nærri kunning út um, hvussu vit skipa skúladagin fyri innskúlingina.

4.-10.fl kemur framhaldandi at hava heimaundirvísing. Hósdagin 16.04 verdur kunning løgd út um, hvussu hetta verður framt framyvir. Lærararnir í flokstoymunum leggja kunningina út til tykkara.

Eru spurningar o.a til skúladagin, venda tit tykkum fyrst til lærararnar í fakunum.

Leiðslan

Alis- og evnafrøði 
Ljóð og ljós, kap 4 

Ljóð 
1. Hvat er munurin á vatnbylgjum og ljóðbylgjum? (s. 70) 
2. Hvussu skjótt flytir ljóð seg? (s. 70) 
3. Hvat er frekvensur? 
4. Hvat er munurin á einum lágum tóna og einum høgum tóna? (s. 70) 
5. Hvat er bylgjulongd? (s.71) 
6. Hvussu roknar man bylgjulongd út? (s. 71) 
7. Hví hoyra vit ymiskar tónar? (s. 72) 
8. Hví hoyra eldri fólk ofta ikki høgar tónar? (s. 73) 
 
Ljós 
1. Hvat er ljós? (s. 74) 
2. Greið frá ljósbylgjuni (s. 74) 
3. Hvussu uppstendur ljós? (s. 74) 
4. Hvat hendir við eini ljósstrálu, tá hon fer frá einum evni til eitt annað? (s. 75) 
5. Hvat hendir, tá man sendir eina ljósstrálu móti eini prismu? (s. 76) 
6. Hvørjar litir inniheldur sólarljósið? (s. 76) 
7. Greið stutt frá um eygað  og hvussu tað sær ljós og litir (s. 78) 
 
Anvendelser af “lys”  
1. Greið frá um 
      a) Røntgenstrálir (s. 80)
      b) UV-strálir (s. 80)
      c) Infrareytt ljós (s. 80-81)
 
Anvendelser af “lyd” 
1. Greið frá um 
      a) Ultraljós (s. 83)
      b) Dopplereffekt (s. 84)

Góðu foreldur

Í vikuskiftinum varð avgjørt, at skúlarnir hava stongt fram til páskafrítíðina.

Hetta hevur við sær, at øll framhaldandi eru heima og royna at fáa sum best burturúr. Tískil er sjálvandi ymist, hvussu nógv tit foreldur hava at gera, bæði við skúlatingum, arbeiðið og øðrum.

Flestu tykkara gera skúlating við tykkara børnum dagliga. Men nú skúlin er avlýstur, er tað nakað meira enn vanligt. Tykkara børn hava fingið bøkur og annað tilfar við heim, at arbeiða við næstu vikurnar. Vónandi gongst væl við at hava heimaskúla. Ætlanin er ikki at tyngja gerandisdagin hjá tykkum óneyðuga nógv. Men tað hevur stóran týdning at halda tykkara børnum til og tryggja, at tingini verða gjørd, sum standa í vikuætlanunum

Tær næstu vikurnar fara lærarar framhaldandi at leggja skúlating út á floksheimasíðuna.

Hent heimasíða at taka til, sum hjálp til heimaarbeiðið er Snar.fo og viðheftu leinkju: https://snar.fo/heimaundirvising/

Her kunnu tit finna nógv ymist tilfar/spøl til ymisku flokkarnar og lærugreinarnar.

Um so er at tit mangla tilfar o.a. til heimasetningin, sum av onkrum orðsøkum ikki eru komin heim við tykkara barni, eru tit vælkomin at ringja ella skriva til flokslæraran ella læraran í fakinum.

Sí viðheftu leinkju yvir telefonr hjá lærarunum: http://www.svs.fo/?p=123

Um tit hava spurningar av ørðum slagi enn tilfar o.a í fakunum, eru tit vælkomin at skriva ein teldupost til svs@svs.fo

Vit vóna, at tit koma væl ígjøgnum hesar næstu vikurnar.
Vit ynskja tykkum framhaldandi góðan dag.

Vinarliga

Sonni Óli Djurhuus, skúlastjóri

Hey tit


Mentamálaráðið hevur kunnað Skúlin við Streymin um, at skúlagondin við undirvísing steðgar fyribils frá mánadegnum 16.03 og til við sunnudagin 29.03. Hetta er fyri at avmarka smittuvandan av Korona virusið.

Sí skriv frá UMMR:

Jenis av Rana, landsstýrismaður í uttanríkis- og mentamálum, hevur gjørt av, at allir næmingar í fólkaskúlanum skulu vera heima við hús skjótast til ber og í seinasta lagi frá mánadegnum 16. mars 2020. Fyribils skulu næmingarnir vera heima í tvær vikur.

Í hesi serstøðu, sum allur heimurin er komin í, verður neyðugt, at ávís starvsøki halda fram ótarnað. Her er talan millum annað um heilsuverkið, eldraøkið, løgregluna, tilbúgvingina og innan ávísar vinnur. Hesi starvsfólk mugu røkja sínar arbeiðsligu skyldur, og hetta kann hava við sær avbjóðingar viðvíkjandi ansing.

Skúlarnir og frítíðarskúlarnir verða tí opnir fyri teimum børnum, sum ganga í forskúla, 1., 2. og 3. flokki, har eingin onnur ansing er møgulig. Hetta er ein serskipan til tey børn, hvørs foreldur røkja kjarnutænastur og ongan møguleika hava fyri ansing annars. Hesi foreldur mugu venda sær til skúlaleiðsluna.

Harafturat fara skúlaleiðslurnar at seta fyriskipanir í verk, so undirvísingin við tøkniligum hentleikum kann halda fram so væl sum gjørligt, hóast næmingarnir eru heima. Hetta er serliga galdandi fyri hádeildina og tey, sum skulu til próvtøku.

G.G Um so er at tit ikki kunnu skipa fyri ansing av tykkara børnum, sum arbeiða innan ásettu karmar, sum landsstýrismaðurin lýsir, heilsuverkið, eldraøkið, løgregluna, tilbúgving og ávísar vinnur, mugu tit venda tykkum til okkara gjøgnum fráboðanarskipanina á heimasíðu skúlans, í seinasta lagi í morgin fríggjadagin kl.18.00. Hetta so skúlin kann skipa dagarnar best møguligtfyri tykkara næmingar.

Í morgin fríggjadagin, er vanlig skúlagongd og vera tit biðin um, at biðja tykkara børn um at koma í skúla og taka e.v.t bøkur, sum liggja í skúlanum við heim. Lærarar skúlans koma at leggja skúlating út á vikuætlanirnar fyri tær báðar vikurnar næmingarnir eru heima og skulu næmingarnir fylgja henni.

Sonni Djurhuus, skúlastjóri

Fø. Trýst her

Danskt stílevni: Trýst her

Analysemodel for gennemgang af artikler

Hvat eg skal tosa um til munnliga próvtøku

Hjálp til at loysa líkning:

https://www.youtube.com/watch?v=yzHxBF6Fzqc

Her er frágreiðing upp á, hvussu man kann falda

https://www.youtube.com/watch?v=jgva_flF1Dw

 

 

Her er frágreiðing upp á brøk % desimaltal

https://www.youtube.com/watch?v=mSrpbqlVaws&t=112s

 

Her er frágreiðing upp á renturokning

https://www.youtube.com/watch?v=PIfbAXM9OPY

 

 

Niðanfyri er eitt dømi av eini kakuro uppg. Talvan høgrumegin er svarlistin.

Skærmbillede 2017-11-17 kl. 15.52.14.pngSkærmbillede 2017-11-17 kl. 15.53.12.png