Týsdagin kl 19 til 21 hittast vit til felags foreldrafund í Skálanum í skúlanum. Á fundinum fara vit sum vanligt at kunna um hetta skúlaárið, umframt at tit verða kunnaði um nýggja undirvísingarháttin, sum vit hava arbeitt eftir seinastu vikurnar.

Vit síggjast 

Í sístu viku vóru allir lærarar skúlans á skeið. Skeiðið var um ein undirvísingarhátt, sum kallast ugeskemarevolutionen. Onkur kennir tað kanska sum FLEKS. Í stuttum merkir tað, at næmingarnir stórt sæð sleppa sjálvir at gera av, hvørjum teir arbeiða við ígjøgnum vikuna. Einasta treyt er, at tey gera alt tað, sum stendur í vikuætlanini (hon kemur ikki heim við, men hongur í skúlastovuni). Við øðrum orðum fara tey at læra at arbeiða sjálvstøðugt, at tilrættaleggja sína tíð, at gera tað, sum skal gerast, hóast keðiligt viðhvørt, at halda skil á, hvat er gjørt og hvat restar í, at hjálpa hvør øðrum osv. osv...

Í fyrstu atløgu havi eg valt at royna hetta í føroyskum. Eg fari at fastleggja 2 tímar um vikuna til lærarastýrdar tímar og at lata restina til næmingarnar. Hetta merkir, at næmingarnir fara ikki at hava skúlating fyri heima,um tey klára at gera alt í skúlanum. Tey skulu tó sjálvandi halda fast við lesiløtuna heima, og eg hevði verið glað, um tit kunnu lesa ein tekst ella tveir saman við teimum úr Hervør og Høgni (eg skal nokk siga tykkum, hvørjar tekstir tit skulu lesa). Hetta eru tekstir, tey skulu arbeiða við í skúlanum vikuna eftir.

Tit kunnu lesa meira um ugeskemarevolutionen á heimasíðuni www.ugeskemarevolutionen.dk 

Hava tit spurningar, kunnu tit skriva ella ringja til mín. 

Blíðar heilsur Halda